Agladladingit iti football community idiay Spain kalpasan a pimmusay iti CD Tenerife striker a ni Jesus de Miguel iti edad a 30, kasaruno ti cardiac arrest gapu iti napalabas a laban da kontra FC Andorra.
Napasamak iti insidente idi nagdinnungpar ni De Miguel ken goalkeeper a ni Jesus Owono, a rimuar iti penalty area tapnu sarungkaren iti bola. Timmama iti tumeng ti goalkeeper iti barukong ti striker a dagus a bimmagsak ken naawanan ti puot iti tengnga ti ay-ayam.
Dagus a naipaayan ti medical respond iti uneg ti pitch sakbay a naiyakar iti ospital.
Nupay kasta, saanen daitoy a naisalakan ken kinumpirma ti bunggoy na a Tenerife iti ipupusay na idi Martes, Nobyembre 3.
Gapu iti trahedya, intantan iti Spanish Football Federation iti amin a naituding a laban idi Martes.
Maipalagip a nakipaset ni De Miguel iti Tenerife sakbay iti 2025-2026 season ken nakailista ti 11 goal idi napalabas a season.
