Nakaaramid ti pakasaritaan iti 2026 Midterm Elections idiay Estados Unidos kalpasan iti panagballaygi ti sumagmamano a kandidato para iti Senado, a kas koma iti kaunaan a nangabak a Muslim, Indigenous woman, ken openly gay male a senador .
Dagiti kandidato a nakaimaldit ti pakasaritaan ket isuda: Abdul El-Sayed ti Michigan, a maibilang a kaunaan a Muslim nga agserbi iti senado ti Estados Unidos ken iti opisyal ti public health a ni El-Sayed a timmaray iti sidong ti Democratic Party.
Kabayatanna, nangabak met ni Minnesota Lieutenant Governor Peggy Flanagan, a maibilang a kaunaan a Native American woman nga agtugaw idiay senado, miyembro isuna ti White Earth Nation ken nagbalin a paset ti progresibo a paksyon ti Democratic Party.
Idiay New Hampshire, namnamaen met nga agbalin a kaunaan nga openly gay male senator ni Congressman Chris Pappas kalpasan a nangabak iti senatorial race.
Maysa pay a mapad-padaanan a resulta iti panangabak ni Annie Andrews ti South Carolina, a posible a kaunaan a babai a mabotosan kas senador manipud iti nasao nga estado.
