Pormalen a nagsapata ni Associate Justice Rodil V. Zalameda kas maika-28 a Chief Justice ti Korte Suprema iti naangay nga oath-taking ceremony idiay Supreme Court En Banc session hall ita a malem ti Biyernes, Nobyembre 6, 2026.
Indauluan ni Senior Associate Justice Marvic Leonen iti panagsapata ni Zalameda kalpasan nga opisyal nga idutok ni Presidente Ferdinand Marcos Jr. iti kangatuan a posisyon iti hudikatura ti pagilian.
Sukatan ti baro a liderato ti Korte Suprema ni sigud a Chief Justice Alexander Gesmundo, a pormalen a nagretiro ita nga aldaw, kalpasan a nagleppas iti naituding a panawen a panagserbi na iti hukom.
Sakbay iti baro a rebbengen, umuna a nakastrek ti Korte Suprema ni Zalameda kas Associate Justice idi Agosto 6, 2019 kalpasan a maidutok ni sigud a Presidente Rodrigo Duterte.
Nagserbi met isuna kas Associate Justice ti Court of Appeals iti uneg ti 11 a tawen nu sadinno nagbalin isuna a lider ti 17th Division, malaksid pay iti kapadasan iti Branch Clerk of Court ti Regional Trial Court – Makati.
Nangrugi iti atiddog a karera na iti pampubliko a panagusig idi 1995 agingga maidutok kas City Prosecutor ti Mandaluyong idi 2002, kasaruno ti lima a tawen a pribado a panagpraktis ti abogasya manipud 1990 agingga 1995.
Nagturpos isuna ti Bachelor of Laws idiay Ateneo de Manila University idi 1987 ken pimmasa iti Bar Examinations idi 1988, manamnama nga idauluan ni Zalameda iti hudikatura nga addaan ti natibker nga integridad ken dedikasyon iti inkalintegan.
