Nasentensiaan ti tungpal-biag a pannakaibalud wenno katupag ti 200 a tawen iti maysa a lider ti kulto idiay Kenya, kalpasan a mapaneknekan a karaman daitoy iti pannakatay dagiti 191 a tattao pakairamanan dagiti ubbing a maipagarop a pinilit nga agluwalo agingga matay da.
Segun iti desision ni Judge Diana Kavedza ti Mombasa High Court idi Biyernes, Nobyembre 6, nasentensiaan ni Paul Mackenzie ti tig-100 a tawen a pannakaibalud para iti murder by starvation ken direct homicide.
Maibasar iti panagusig, maipagarop a imbaon ni Mackenzie, lider ti Good News International Church, dagiti followers na nga agpabisin kadua dagiti annak da tapnu makaapan sadiay langit sakbay iti panungpalan wenno end of the world.
Malaksid iti nasao nga assault, maikonkonektar pay iti lider ti panagbugbog ken panangparigat kadagiti ubbing, panaglapped iti edukasyon ken panangpa-agas, sexual abuse, ken dadduma pay a pannakatay iti uneg ti kulto idiay Kenya.
Natakuatan dagiti bangkay dagiti biktima idiay Shakahola Forest idi tawen 2023.
Segun kadagiti otoridad, dimmanon iti 448 dagiti bangkay a narekobre, bayat a mapapati nga aganay 500 iti pakabuklan a bilang dagiti natay.
Malaksid kenni Mackenzie, 28 kadagiti kasabwat na iti nasentensiaan met ti 10 agingga 160 a tawen a pannakaibalud.
Inlibakan ni Mackenzie dagiti alegasion, ngem imbasura ti korte iti depensa na. Imbatad met ti abogado na nga i-apela da iti desision ti korte.
