Nagsapata kas baro a Presidente ti Paraguay ni Pedro Alliana idi Biyernes, Nobyembre 6, kalpasan a ma-impeach ken maipasidong iti house arrest ni sigud a Presidente Santiago Peña mainaig iti panagbagsak ti digital bank nga Ueno.
Nagkaykaysa a bimmotos ti pabor dagiti senador maipapan iti impeachment ni Peña kalpasan a kuwestiyunin kalpasan iti maipagarop a pannakairaman daitoy ti panagbagsak ti Ueno, a mangipapaay ti serbisyo iti aganay ti kagudua a populasyon ti pagilian.
Nupay nangidiaya ni Peña nga agikkat iti pwesto idi Huwebes, pinili ti Senado nga itultuloy iti impeachment proceedings, rason tapnu dagus nga agsapata ni Alliana kas kasukat na.
Segun kadagiti prosecutor, agtultuloy da nga im-imbestigaran iti sigud a Presidente ken pagad-adalan dagiti posible a kaso kontra kenkuana, karaman iti influence peddling wenno panagusar ti impluwensya tapnu makaala ti pabor.
Kalpasan iti pannakaaresto kenni Peña, nagkakadua dagiti raliyista iti ruar ti pagtaengan na, ken dagus met a nagnayun ti seguridad dagiti pulis tapnu mapagtalinaed iti urnos.
