Impasiguro ti Philippine National Police (PNP) nga usaren da amin a resources ti hanay kas paset iti panangipaay iti seguridad iti maur-uray a 49th Association of Southeast Asian Nations (ASEAN) Summit and Related Summits.
Segun kenni PNP Chief General Jose Melencio Nartatez Jr., nga amin a panangited iti seguridad ket ipatungpal da tapno agbalin a natalged iti panagtataripnong, kasta met a mangideklara da iti alert status nu kasapulan. Kinunana met nga iti agdama ket low-level threat paylaeng iti mapalpaliiw ti kapulisan.
Manamnama a dumar-ay dagiti delegado manipud sabali a pagilian, agramanen ni US President Donald Trump para iti regional high-stakes meetings a mangrugi inton Nobyembre 16.
