Kinontra ni Senador Robin Padilla ti pannakaiplastar ti minilion a pisos a gatad a reward money kontra iti padana a mammanday-linteg a ni Senador Bato Dela Rosa.
Iti interview, saan nga immanamong daytoy iti 50-milion a pisos a bayad iti ulo ti senador kagiddan ti rimmuar nga ‘arrest warrant’ manipud iti International Criminal Court.
Inallukoyna ti publiko a sukimaten a naimbag ti nakaibasaran wenno ‘logic’ iti pannakailatang ti gunggona agsipud ta segun kenkuana, maar-aramat ti kuarta ti publiko kontra iti senador a binutosan met dagiti umili.
Isu a para iti senador, kinuna a dagiti Pilipino, iti bukod a pagilian ket saan a rumbeng nga itrato ti ganggannaet a kas iti maar-aramid kenni Senador Ronald Bato Dela Rosa.
