Inarestar ti Federal Bureau of Investigation (FBI) ni Thomas Markle, ama ti Duchess of Sussex ti Britanya a ni Meghan Markle.
Segun kenni FBI Director Kash Patel, impasidong da iti kustodiya ti 82-anyos a ni Markel iti maysa a nursing home idiay Florida.
Innayon ti FBI Director a pun-puntiryaen ni Markle dagiti inosente nga ubbing babaen iti kriminal nga aramid daytoy.
Nakaswan ni Markle gapu kadagiti nakumpiskar a materyales a pakaibilangan iti ladawanna a nakalamo-lamo bayat a kadwa na iti sumagmamano a babbai a menor de edad, manipud iti ab-abanganna nga storage unit idiay California.
Ni Markle ket sumangsango ti one count of possession of child pornography iti US District Court idiay Los Angeles.
Segun iti US Justice Department, nu makedngan ni Markle, posible a mabalud daytoy ti agingga 20 a tawen.
Ni Markle a residente ti Lakeland, Florida ket immuna a dimmatag iti maysa a US magistrate judge idiay Tampa, Florida. Immandar ti korte a makarwar bayat a maur-uray ti panagdengngeg.
Nupay kasta, nainget a naipatungpal kas kondisyon iti piyansa na, nga agpaisidong iti home detention wenno house arrest ken makabilan ti electronic monitoring device, kas iti ankle tag, iti mismo a pasilidad tapno mamonitor iti lokasyonna.
Napawilan nga agbiyahe nga awan ti pammalubos iti ruar dagiti intuding ti korte a distrito.
Maibasar iti affidavit manipud FBI a naidatag kas criminal complaint, inlemmeng ni Markle dagiti sexually explicit material iti dua nga storage units a nirentaan na idiay Los Angeles sipud pay idi 2008.
Idi napan a lawas, sinukimat iti FBI agents ti storage facility ken nakaala da iti 78 items kabilang iti 35mm a film negativs ken libro a naglaun iti sexual abuse a ladawan.
Uray dagiti otoridad ditoy Pilipinas, partikular iti lugar a nagnaedan ni Markle ti sumagmamano a bulan ket mangisay-sayangkat ti imbestigasyon.
Nainget met a pinaglibakan ti 82-anyos nga American retired television lighting director iti nasao nga alegasyon kontra kenkuana.
Uray ni Meghan Markle, a maysa nga aktres ken kasar iti ina-udi nga anak ni King Charles, idi 2018 ket nakaru a malidayan iti nasao nga alegasyon.
