Nadiskubre idiay Oswego Harbor, New York, United States iti maysa a naisangsangayan a klase ti sida nga addaan ti namaris nga orange-yellow a kolor gapu iti saan a kadawyan a kondisyon iti bagi daitoy.
Segun iti U.S. Fish and Wildlife Service (USFWS), natili iti nasao a burbot, maysa a katutubo a klase ti sida iti nasao a lugar, bayat a maisaysayangkat iti regular a panagsukimat tapnu maamwan dagiti invasive species iti kabaybayan.
Dagus a napansin dagiti biologist iti naidumduma a kolor ti sida ken naamwan nga addaan daitoy ti kondisyon a maawawagan kas xanthochromism, nu sadinno maapapektaran iti normal a pigmentasyon ti bago a nagresulta iti naisangsangayan a kita.
Segun kadagiti eksperto, manmano laeng iti xanthochromism kadagiti balang a sida nu iyarig iti albinism wenno melanism, isu a maibilbilang a naisangsangayan iti pannakadiskubre daitoy.
