Manamnama iti panagbaba ti pamasahe kadagiti eroplano kalpasan nga ibaba ti Civil Aeronautics Board (CAB) iti Level 16 iti fuel surcharge para kadagiti biyahe manipud idi Nobyembre 16 agingga 30, 2026, manipud iti Level 17 idi umuna a paset ti bulan.

Iti sidong ti baro a lebel, mabalin nga agsingir dagiti airline ti fuel surcharge a ₱525 agingga ₱1,535 para iti domestic flights ken ₱733.76 agingga ₱12,891.29 met para kadagiti international flights, depende iti distansiya ti biyahe.

Nababbaba daitoy nu idasig iti sigud a singir a ₱559 agingga ₱1,635 para iti domestic flights ken ₱1,846.10 agingga ₱13,726.58 para iti international flights.

Segun iti CAB, iti fuel surcharge ket kanayunan a babayadan a mabalin nga ipataw dagiti airline tapnu masungbatan iti panagbalbaliw ti presyo ti gasolina.

Nupay kasta, nakadepende latta iti airline iti aktuwal a gatad ti surcharge a mainayon kadagiti pasahero.