Natay ti maysa nga school principal kalpasan a palpaltogan dagiti saan pay nabigbig a suspek idiay Barangay Salbu, Datu Saudi Ampatuan, Maguindanao del Sur, agarup alas-8:15 iti bigat ita Miyerkules, Nobyembre 18, 2026.

Binigbig ti Police Regional Office-Bangsamoro Autonomous Region (PRO BAR) ti biktima a ni Dionel Villabito Mahusay, principal iti Pendililang Elementary School ken residente iti nasao a barangay.

Maibasar iti initial nga imbestigasyon ti Datu Saudi Ampatuan Municipal Police Station, inmaneho ti biktima ti minivan sakbay a pimmanaw iti balayda idi kelaat nga asitgan daytoy dagiti saan pay nabigbig a suspek, 50 a kilometro manipud iti pagtaenganna.

Ditoyen a napasamak ti nakam-ames a pammaltog ken nagsagaba daytoy ti adu a tama iti nadumduma a paset iti bagina a gapuanan metten iti ipapatayna.

Iti agadama, imimbestagaran pay laeng ti pulisya ti motibo ti nasao a pammaltog.