Nileppas ti Detroit Pistons iti 12-game winning streak ti San Antonio Spurs, kalpasan nga agballigi iti iskor a 105-93, iti laban da idiay San Antonio, Texas.
Nangidaulo iti Pistons ni Cade Cunningham a nakailista ti 27 points, bayat a 25 poitns met kenni Daniss Jenkins, karaman iti 21 points iti second half, tapnu idauluan iti Detroit iti panagkamat ken panangala ti lamang kalpasan a matambakan ti 14 points iti maikadua a quarter.
Nakailista met ni Ausar Thompson ti 14 points, 12 assists, siyam a rebounds, ken lima nga steals.
Iti paset ti Spurs, nakailista ni Victor Wembanyama ti 25 points ken 18 rebounds, bayat nga addaan met ti 20 points ni Dylan Harper.
Para iti sumaruno a laman da, sangwen ti Pistons iti New Orleans Pelicans, bayat a makasango met ti Spurs iti Los Angeles Clippers ita a Huwebes, Nobyembre 19.











