Impaganetget ni House Senior Deputy Speaker ken South Cotabato 2nd District Representative Ferdinand Hernandez nga awan ti nakaibasaranna ti timpuar nga ikonsiderar ti Kamara a lapdan ti 2028 national elections.

Segun kenni Hernandez, awan ti plano wenno singasing nga itantandudo ti liderato ti Kamara tapno malapdan wenno maitantan ti 2028 elections.

Sungbat daytoy ni Hernandez iti statement ti spokesperson ni Bise Presidente Sara Duterte a ni Atty. Paolo Panelo Jr. nga aggungunay ti Kamara a mangkanselar iti 2028 elections, mapaatiddog ​​ti termino dagiti agdama nga elected officials wenno baliwan ti parlamentary ti porma ti gobierno.

Inyunay-unay ni Hernandez, a nalawag ti takder ti House of Representatives a mangrespeto iti Konstitusio ken proseso ti eleksion kasta met ti karbengan dagiti umili a pilipino a pumili kadagiti bukodda a leader inton 2028.

a nadagsen nga alegasion a mainaig iti proseso ti eleksion iti pagilian ket masapul a suportaran ti naberipikado nga impormasion.

Kinuna ni Hernandez, nalawag ti takder ti Kamara a mangrespeto iti Konstitusion ken proseso ti eleksion kasta met ti karbengan ti umili a Pilipino a mangpili kadagiti liderda inton 2028.

Inlawlawag ni Hernandez, a saan a rumbeng a baliwan dagiti mammanday-linteg babaen laeng iti katulagan wennu panagdesision ti regular nga eleksion nga inkeddeng ti Konstitusion ken ti kapaut ti termino dagiti nabutosan nga opisiales iti pagilian.