Nangipaulog ti 2026 APEC Leaders’ Declaration dagiti lider manipud iti 21 a kameng nga ekonomia ti Asia-Pacific Economic Cooperation (APEC) iti panagleppas ti maika-33 nga APEC Economic Leaders’ Meeting idiay Shenzhen, China nga indauluan ni Chinese President Xi Jinping.

Iti statement nga nairuar idi kalman Nobiembre 21, 2026, nagtutunos dagiti lider nga agtitinnulong tapno mataginayon ti kinatalged ti ekonomia, maitandudo ti produktibidad, ken mapapigsa ti panagdur-as para iti pagimbagan ti amin nga umili.

Ituloyda pay nga itandudo ti market-driven economic integration iti rehion ti Asia-Pacific, agraman ti pannakaituloy dagiti gannuat iti sidong ti Free Trade Area ti Asia-Pacific (FTAAP) agenda.

Nailasin ti nadakamat a deklarasion ti uppat a kangrunaan a benneg ti panagkumit ken kooperasyon dagiti miembro nga ekonomia, a pakairamanan ti panagtagilako ken panagpuonan, konektibidad, inobasyon, ken panagdur-as ti ekonomia.

Nakaituding met nga agtataripnong manen dagiti lider ti APEC inton 2027 idiay Phu Quoc, nu sadino a ti pagilian a Viet Nam ti agserbi a kas baro a chairman ken mangsangaili iti sumaruno nga APEC Economic Leaders’ Meeting.