Binabalaw ni House prosecution spokesperson ken Lanao del Sur Rep. Zia Alonto Adiong iti testimonya ti eksperto iti anti-money laundering nga imparang ti kampo ni Vice President Sara Duterte iti impeachment trial.

Segun kenni Adiong, limmampas iti sakop ti testimonya ni Atty. Rainer Dela Fuente, sigud nga imbestigador ti Anti-Money Laundering Council (AMLC).

Kinuna na a saan daitoy a direkta a dinakamat dagiti alegasyon mainaig iti baknang ti Bise Presidente.

Kinuwestiyon met dagiti sumagmamano a senador iti kabaelan ni Dela Fuente a sukimaten dagiti dokumento a pinansyal agsipudta inamin a saan isuna a mismo iti nagsukimat dagiti dokumento a nausar ti eksperto ti prosecution.

Maibasar iti panagsukimat ni forensic accounting expert Alexander Cabrera, dimmanon iti saan a bumaba iti P817.87 milyon iti maipagarop nga unexplained wealth ken saan a naideklar a sanikua da Duterte ken iti asawa na a ni Atty. Manases Carpio.

Kinuwestiyon na pay iti kredibilidad dagiti testigo gapu iti koneksion daitoy iti Bise Presidente.

Adda iti impeachment court iti desision maipapan iti kinadagsen dagiti ebidensya ken testimonya.

Agtultuloy met nga iliblibakan ti kampo ni VP Duterte dagiti alegasyon kontra kenkuana.