Kinuwestiyon ni House lead prosecutor ken Batangas Rep. Gerville Luistro iti wagas ti panangidepensa wenno trial strategy ti kampo ni Vice President Sara Duterte iti impeachment trial.
Segun kenni Luistro, saan a direkta a nasungbatan ti depensa iti alegasyon mainaig iti P817.87 milyon nga unexplained wealth ti bise presidente.
Kinuna ni Luistro nga addaan ti dua a posible a rason: mabalin a kurang iti kabaelan iti defense team wenno talaga a narigat nga ilaban iti kaso.
Kinuwestiyon na met dagiti testigo nga impasango ti depensa gapu iti saan a direkta a panagsungbat kadagiti testimonya da iti kangrunaan nga alegasyon.
Immunan a nangipila iti prosekusyon dagiti rekord iti bangko, dokumento dagiti korporasyon, ken panagsukimat dagiti accountant kas ebidensya.
Ita, iti Article II mainaig iti saan a mailawlawag a baknang laengen iti nabatbati nga isyu a mapagsasaritaan iti impeachment trial kalpasan nga ibabawi da iti tallo a dadduma pay nga artikulo.
Agtultuloy met iti panangipila ti ebidensya ti kampo ni Duterte tapnu kontraen dagiti alegasyon. Manamnama nga agtultuloy iti panagusig inton Disyembre 1,2026.











