BR LA UNION – Binabalaw ni House Committee on Human Rights Chairman Bienvenido Abante ni Navotas Rep. Toby Tiangco gapu iti sangka-dullit na ken awan basaran nga akusasyon kontra kada President Ferdinand Marcos Jr. ken sigud nga Speaker Martin Romualdez seknan iti isyu ti budget.
Segun kenni Abante, mangigubway laeng ti pannaka-tikaw ken pannakasina-sina dagiti waragawag ni Tiangco.
Karit ni Abante kenni Tiangco, nu adda iti ebidensiya na ket iruar na, ngem nu awan ket agsardengen, agsipudta paulit-ulit ti ibag-baga na nga arigna nadadael a plaka.
Pinaglibakan met ti Malacañang ti ibagbaga a pribado a waragawag ti Presidente kontra kenni Romualdez.
Impaganetget ni Abante a na-clear ni Romualdez ti Independent Commission on Infrastructure ken awan ti nakita nga ebidensiya iti Senate Blue Ribbon Committee, segun kenni Sen. Ping Lacson.
Innayon na pay, nga awan ti kaso a naidatag kenni Romualdez idiay Ombudsman, DOJ, wenno Sandiganbayan.
Inallokoy ni Abante dagiti mammanday linteg nga isardeng ti agi-intriga ken tutukan iti rumbeng a trabaho para iti ili.
