Ad-adalenen ti Armed Forces of the Philippines ti panaggatang iti ad-adu pay a barko a mausar iti panagpatrolia iti kabaybayan nangruna idiay West Philippine Sea.
Gapu iti daytoy, naan-anayen ti pannakatarimaan ken pannakapalawa dagiti sangladan, base militar ken puerto militar iti pagilian.
Segun ken ni AFP chief General Romeo Brawner Jr., narigat ti gumatang kadagiti barko no awan dagiti maitutop a sangladan a pangikabilan kadagitoy.
Kinunana a kasapulan a mapadur-as dagiti military wenno naval bases ti AFP gapu ta agserbi dagitoy a kangrunaan support sytem para kadagiti barko ti pagilian a magatang.
Segun iti AFP chief, mabalin nga usaren dagiti kastoy a barko a pangpatrolia kadagiti maritime features ti pagilian idiay WPS ken panagtalinaed ti presensia ti Pilipinas iti kabaybayan.
Sumagmamano kadagiti dadakkel ken adanced ships ti pagilian ket ti BRP Jose Rizal a naited idi Mayo 2020 ken BRP Antonio Luna a naited idi Marso 21, 2021.
Babaen ti AFP modernization program, plano ti Pilipinas ti gumatang pay kadagiti advanced ships para iti Philippine Navy ken ad-adu pay a multi-role fighter jets para iti Philippine Air Force.
