Impasigurado ni Presidente Ferdinand R. Marcos Jr. a mangilukat ti ad-adu pay a senior positions para kadagiti mannursuro iti gobierno kas paset ti panangpalawa ti oportunidad iti promosyon dagiti public school teachers.
Segun iti Presidente, tarigagay ti administrasyon nga ad-adu pay a mannursuro ti ti ngumato ti ranggo da babaen ti career progression program. Iti agdama ket aganay 16K a mannursuro ti intero a pagilian ti naikkan ti promosyon babaen kadaitoy a programa.
Maibasar met ti datos iti Department of Education, agarop 40K nga aplikasyon ti agdama a nakapasidong ti reviewal para ti posible a promosyon.
Kinuna ti Presidente a paset daitoy iti panagtungpal iti insapata na nga awan iti mannursuro nga agretiro a kas Teacher I, ken wagas na metten tapno masubadan ti sakripisyo ken dedikasyon da iti serbisyo publiko.
