LA UNION – Adda iti proseso a panang-validate ti Armed Forces of the Philippines (AFP) iti report nga adda iti 25 lugar ditoy pagilian a target ti hypersonic missile ti China.
Segun kenni AFP chief of staff Gen. Romeo Brawner awan iti naawat pay a report ti military maipapan iti nakita ken inwaragawag ni Senator Imee Marcos a maipagarop a plano ti China a panagatake babaen iti hypersonic missile, a maysa a kita ti formidable weapon.
Uray iti intelligence community ket awan pay met iti naala da a report maipapan daytoy.
Nupay kasta, imbaga ni Brawner a maki-koordinar da iti opisina ti senadora tapno makaala da iti impormasyon maipapan iti report.
Immunan nga inwaragawag ti Armed Forces of the Philippines a saan da a tagibassiten iti nasao a report, nupay nakasagana kunana iti
militar a protektaran iti teritoryo ken iti pagilian.
