LA UNION – Inarestar ti pulisiya iti agassawa maiyannurot iti warrant of arrest nga impaulog ti Judge manipud RTC Branch 10, 1st Judicial Region, San Fernando City, La Union.
Adda pakainaigan na daytoy iti kaso nga Attempted Rape maikontra iti managan Ernesto dela Cruz, 58, mannalon, ken panaglabsing iti RA 7610 Paragraph 10-A wenno Anti Child Abuse Law maikontra iti 57-anyos a misis na, agpada a residente ti Barangay Bucao, San Gabriel, La Union.
Dagiti agassawa ket naarestar idiay Barangay Balballosa, San Juan, La Union.
Base iti impormasyon manipud San Gabriel Police Station, iti lalaki a suspek ket maipagarop a ginandat na a ramesen iti maysa a menor de edad a kaaruba da idiay San Gabriel.
Iti met misis ket maipagarop a dinangran na iti ubing, gaputa saan a mamati iti akusasyon maikontra kenni mister na.
Iti lalaki a suspek ket nai-rekomendaan ti piyansa nga umabot ti P130,000 bayat a ti babai ket P80-k iti recommended bailbond para iti temporaryo a pannakawaya-waya dagitoy.
Iti agdama, dagiti agassawa ket agtaltalinaed iti custodiya ti San Gabriel Police Station ken nakatuding a maidatag dagitoy iti korte.
