LA UNION – Bimwelta ni House Committee on Appropriations Chairperson ken Ako Bicol Party-list Rep. Zaldy Co seknan iti nagbalin a waragawag ni Vice President Sara Duterte iti nairuar a recorded interview seknan iti panagdengngeg ti komite iti 2025 proposed budget ti Office of the Vice President.
Nangipeksa ti pannakadismaya ni Co iti imbaga ti bise presidente ket imbaga na a maysa a panang-budol a lumiklik iti maysa nga isyu.
Binabalaw ni Co ni VP Sara gaputa addaan ti 400 bodyguards malaksid laeng ti nabukel nga special Vice Presidential Security and Protection Group.
Imbaga ni Co, ni laeng VP Sara kadagiti amin a nag-bise presidente ti pagilian iti nakaaramid ti kastoy iti pakasaritaan ti Pilipinas.
Inbutaktak ni Co a nag-request ti taraon iti OVP para iti security na idi immuna a budget briefing ti OVP ngem saan a nakan.
Segun pay kenni Co, maysa daytoy a dackel nga insulto ken panang-sayang iti resources ti gobyerno.
Kinarit ni Co ni VP Sara seknan iti alegasyon na a saan a sanay ti sumagmamano a miyembro ti Kamara nga umawat iti sungbat a saan da a kayat.
KInuna ni Co, a trabaho dagiti mammanday linteg a sukimaten iti budget.
Ti saan a panagdar-ay ni VP Sara iti budget briefing idi kalman ket kaawan respeto iti legislative branch.
Imbinsa-binsa ni Co ti naduma-duma nga isyu iti sidong ti panagtakem ni Duterte, kabilang iti nakapsot a performance dagiti estudyante iti Math and Science, panagibunong iti nabangles a taraon iti School Based Feeding Program, ken ti agtultuloy a korapsyon iti uneg ti Department of Education (DepEd).
Kinuwestiyon pay ni Co nu apay a naitalek kenni Duterte iti P2 bilyon iti 2025 iti tengnga ti pannakapaay daytoy.
