Impalagip ti Bacnotan Fire Station dagiti fire safety tips para iti panag-obserba ti Undas 2025 kadagiti umili a dumardar-ay kadagiti sementeryo.
Impaganetget ni Fire Senior Inspector Noel Lopez iti kinapateg dagiti palagip tapno maliklikan iti uram.
Mangisaysayangkat da ti pangrikurida wenno panagpatrolya kadagiti barangay ken adda dagiti nadumaduma a teams a mangidanon ti serbisio kadagiti umili kas kadagiti firefighting teams, emergency response teams, ken ambulance.
Imbinglay ni Lopez a kasapulan a masigurado a no pumanaw kadagiti pagtaengan ket maikkat amin a nakasaksak nga appliances ken gadgets. No agsindi ti kandila ket siguradoen nga adda iti natalged a lugar ken adayo kadagiti mauram a banag no kaspangarigan matumba daitoy.
Innayon na pay a saan nga agimet kadagiti maiparit a banag iti uneg ti kamposanto kas kadagiti natatadem wenno makadangran nga alikamen, ken dagiti nasanger a mainom.
