Saanen a nalapdan ti San Miguel Beermen ti Barangay Ginebra a makastrek iti Finals ti PBA Governor’s Cup.
Nagun-od ti ti Ginebra ti 102-99 a balligi kontra SM Beermen ken nairekord ti 4-2 a score iti best of seven semifinals iti ay-ayam a naangay idiay Araneta Coliseum.
Adda pay kuma ti gundaway ti Beermen a maitabla wenno maipangabak ti laban ngem saan a nagballigi ti inaramid nga attempt da EJ Anosike ken Jericho Cruz a four-point territory.
Indauloan ni Maverick Ahanmisi ti balligi ti Ginebra ken nakascore iti 25 points; bayat nga 21 points, 7 rebounds, 7 assists, 3 steals, ken 2 blocks met ti naaramid ni Justin Brownlee.
Makasango ti Ginebra iti Finals ti TNT Tropang Giga a mangrugi inton aldaw ti Dominggo.
