Mangipila ti Bureau of Immigration (BI) ti kaso kontra kadagiti mangilemlemmeng wenno protektor dagiti ganggannaet nga espia.
Pakdaar dayta ni Bi Commissioner Joel Viado ti maysa nga statement a nairuar idi rabii ti Biernes, Enero 31.
Kinunana a ti addang ket maitunos iti kampania ni Presidente Ferdinand Marcos Junior a mangpasiguro a masalakniban ti pagilian manipud kadagiti pangta iti ruar ken dadduma pay a pangta iti kinasoberano..
Maitunos iti daytoy, napainget pay ti pannakipagtrabahoda iti Department of Justice (DOJ) para iti panagurnong iti impormasion mainaig kadagiti maipagarup nga espia a nabiit pay a naaresto ti National Bureau of Investigation (NBI) ken dagiti na-monitor ti Armed Forces of the Philippines (AFP).
Segun kenni Commodore Viado, iti umuna nga analysis-da ket dagiti kasta a ganggannaet ket addaan iti regular immigration status ditoy Pilipinas, isu ket nakanayon pay iti atap dagiti maseknan.
Nainget a makikokoordinar itan iti NBI tapno maammuanda no dagiti indibidual ket tinulongan dagiti suspek para kadagiti ilegal nga aktibidadda ditoy pagilian.
No mapasingkedan nga adda nakatulong wenno nangilemmeng kadagiti espia, Pilipino man ken ganggannaet, mangipilada kadagiti maitutop a kaso gapu iti protecting of illegal aliens violation ti Section 46 ti Philippine Immigration Act of 1940.
