BR LA UNION – Nangiruar ti Bureau of Internal Revenue (BIR) ti baro a listaan dagiti value-added tax (VAT) exempted drugs para iti nadumaduma a sakit kas iti diabetes ken hypertension.
Iti baro a revenue memorandum circular, inaprubaran ti BIR iti listaan dagiti 12 percent VAT-exempt products iti sidong ti Tax Reform for Acceleration and Inclusion Law ken ti Corporate Recovery and Tax Incentives for Enterprises Act.
Inruar ti BIR iti listaan kalpasan nga inyendorso ti Food and Drug Administration ti Department of Health dagiti listaan.
Saklawen ti sirkulo dagiti agas para iti hypertension, sakit ti panunot wenno mental illness, diabetes ken high cholesterol.
Walo nga agas ti nainayon iti listaan, uppat kadagitoy ket para iti diabetes.
Adda dua a kita ti agas para iti high cholesterol ken saggaysa para iti sakit ti panunot ken hypertension wenno altapresiyon.
Maipalagip nga idi Disyembre napalabas a tawen ket inraman ti BIR dagiti 16 a VAT exempt drugs para iti kanser, diabetes ken mental illness.
