Inlawlawag ti Bureau of Jail management and Penology (BJMP) a saan da nga agsingsingir ti kuarta idiay Quezon City Jail Male Dormitory kasukat dagiti serbisyo para kadagiti persons deprived of liberty (PDL).
Iti maysa a waragawag, pinakdaaran ni QC Jail Male Dormitory warden Superintendent Warren M. Geronimo ti publiko mainaig kadagiti scammers nga agparparang a miyembro ti BJMP usar iti peke nga FB account a ‘Dalaw Jail’ wenno Jail Visit tapno kumiddaw ti bayad kasukat dagiti serbisyo kas iti medical treatment para kadagiti PDLs.
Impaganetget paty ti BJMP a dagiti araramiden da nga addang kas kadagiti medical interventions ken decongestion efforts ket libre tapno adda iti natalged a kondisyon dagiti balud.
Segun kenni BJMP spokesperson Superintendent Jayrex Bustinera, babaen kadagitoy nga addang ket matulongan a maliklikan ti panagwaras ti nangato a bilang dagiti sakit ti kudil ken dadduma pay.
