LA UNION – Naragsak a naglippas dagiti dua pulo a partisipantes iti Bread and Pastry Production Training manipud Agoo District Jail, Agoo, La Union.
Nakipaset iti nasao a training dagiti personnel ti pasilidad ken dagiti Persons Deprived of Liberty (PDL).
Naisuro kadagiti partisipantes no kasano ti agaramid iti pandesal, egg pie, roll cake, cupcake ken dadduma pay.
Nakatuding a maipasidong dagiti partisipantes iti assessment ken evaluation tapno makaawatda iti National Certificate wenno NCII manipud Technical Education and Skills Development Authority (TESDA).
Sigun iti Agoo District Jail nga idadauluan ni JSInsp. Anthony E. Parrocha, napintas ti nasao a training ken dakkel a banag daytoy nangruna kadagiti PDL gapu ta mausarda ti nasursuroda nga skills apaman a makaruarda iti pagbaludan.
