Impadamag dagiti sumagmamano a pagiwarnak idiay America a simrek ti pop star a ni Britney Spears iti maysa a rehabilitation facility, sumagmamano nga aldaw ti napalabas tapno agpaagas gapu iti maipagarup a substance abuse.
Maibasar kadagiti source a nasinged iti kumakanta, inallukoy isuna dagiti kabagian ken nasinged a gagayyemna nga agpaagas, nga idi agangay ket immanamong a boluntario nga agpa-admit.
Adda met dagiti reports nga inaklon dagiti dadduma a source a dimmanon isuna iti kababaan a punto ti panagbiagna.
Sakbay daytoy, naipadamag a naaresto ni Britney idi Marso 2026 idiay California gapu iti suspetsa a panagmaneho iti sidong ti impluensia ti arak ken droga kalpasan a napansin ti napartak a panagmanehona iti maysa nga highway.
Iti agangay ket naruk-atan bayat a maur-uray iti resulta ti imbestigasion.
Maibasar iti report dagiti otoridad, mapapati a nangipakita isuna ti pagilasinan ti impairmanent ken nagpaisidong ti field sobriety tests sakbay a naarestar.
Kenuna met ti nangibagi kenkuana nga iti insidente ket saan a nasayaat ken ninamnamana nga agbalin nga addang daytoy para iti nasaysayaat a panagbalbaliw iti biagna.
Am-ammo ni Britney a maysa kadagiti kalatakan a pop icon manipud idi dekada nobenta agingga idi dekada 2000. Simmikat kadagiti nalatak nga hits kas iti “…Baby One More Time” ken “Toxic.”
Kadagiti napalabas a tawen, nagbalin isuna a sentro ti isyu maipapan iti mental health ken ti sigud a conservatorshipna a nagpatingga idi 2021.###
