BR LA UNION – Naragsakan iti Bangko Sentral ng Pilipinas (BSP) iti pannaka-ikkat ti pagilian manipud iti Financial Action Task Force (FATF) a dirty money grey list.
Iti maysa a waragaag, inyanunsyo ti FATF nga awanen ti Pilipinas iti increased monitoring kalpasan a pinapigsa ti pagilian iti anti-money laundering and counter-terrorism financing (AML/CTF) regime.
Segun kenni BSP Governor Eli M. Remolona, ti pannaka-ikkat ti Pilipinas iti FATF grey list ket resulta iti natibker a kooperasyon iti gobyerno ken iti pribado a sektor.
Sipud nairaman ti pagilian iti grey list idi Hunyo 2021, nakitinnulong ti BSP iti Anti-Money Laundering Council ken dadduma pay nga ahensya ti gobyerno tapno masiguro ti naipanawen a panangipatungpal dagiti action plan tapno papigsaen iti anti-money laundering ken counter-terrorism financing (AML/CTF) regime.
