Kayat ti Civil Aviation Authority of the Philippines (CAAP) nga irutan ti drone regulations ditoy pagilian.
Segun kenni CAAP Director General Capt. Manuel Antonio Tamayo, panggep daitoy nga addang a makontrol ti panagsaknap ti panagpatayab kadagiti drones aglalo kadagiti airports.
Makikokoordinar da metten iti Philippine National Police ken Department of Trade and Industry (DTI) para iti panangrepaso ti nasao nga polisiya.
Panggep pay ti nasao nga regulasyon nga agbalin a natalged ti amin a panagtayab ti eroplano ditoy Pilipinas.
