Tinakderan ti China nga legal iti pannakakumpiskar da iti Taiwanese fishing boat idiay Taiwan Strait.
Umuna iti daitoy ket impadamag ti Taiwan ti inaramid ti China a pannakakumpiskar ken pannakadetene ti Taiwanese fishing boat (Dajinman 88) nga agkalkalap idiay Taiwan Strait, kabaybayan a nagbeddengan ti Taiwan ken China.
Inraman pay dagiti Chinese officials dagiti crew ti nasao nga bangka.
Segun kenni Liu Dejun, spokesperson ti China Coast Guard, kinumpiskar da iti fishing boat gapo iti illegal fishing.
Kinunana a nilabsing da iti fishing moratorium nga inwayat ti China iti kabaybayan a para kenkuada ket masakupan da.
Nagusar pay ti bangka kadagiti fishing nets a basbassit ngem iti ipalubos ti gobierno ti China.
Laksid daitoy ket impaganetget ti gobierno ti Taiwan a saan nga iligal ti inaramid a panagkalap ti Dajinman 88.
Kinuna met ni Hsieh Ching-chin, pannakangiwat ti Taiwan Coast Guard, ti nadakamat a bangka ket adda iti kabaybayan a masakupan ti Taiwan, baliktad iti ipadpadamag ti China iti sangalubongan.
Napasamak iti insidente rabii ti Martes (Hulyo 2).
Kabayatanna, addaan met ti maysa a kapitan ken lima nga crew ti nasao nga bangka segun iti gobierno ti Taiwan.
