BR LA UNION – Pagdan-danagan ti National Bureau of Investigation (NBI) iti kalawa ken kaadu ti impormasyon a mabalin a naurnong wenno naala ti Chinese national a natiliw itay nabiit iti asideg ti opisina ti Commission on Elections idiay Intramuros, Manila.
Maipalagip a natiliwan babaen ti International Mobile Subscriber Identity (IMSI) catcher, maysa nga alikamen a makabael a mang-intercept kadagiti komunikasion iti telepono iti uneg ti radius a sumagmamano a kilometro.
Maipalagip a nakumpiskaran iti nasao a Chinese ti International Mobile Subscriber Identity (IMSI) catcher, maysa a device nga addaan kabaelan nga ag-intercept iti phone communications iti uneg ti sumagmamano a kilometro a radius.
Segun kenni NBI spokesperson Ferdinand Lavin, agtultuloy a maam-amiris dagiti nakumpiskar a device ken arwaten manipud iti suspek tapno maamwan iti kalawa ti operasyon daytoy, ken matunton nu kasatnu kaadu iti impormsayon ken datus a naala ken natakaw, babaen ti IMSI Catcher.
Impaganetget ni Lavin, narikos ken nadalanan ti suspek dagiti naduma-duma a napapateg a government infrastructure ken military facilities.
Kabilang ditoy iti Villamor Airbase, sumagmamano a naval station, seaport, central office ti Department of Justice, Bureau of Internal Revenue, ken US Embassy idiay Manila.
Iti duk-duktalen ita ti NBI ket nu mailako dagiti natakaw a datus ken siasino iti pangipaayanna kadagitoy.
Amwen pay ti ahensiya nu mausar dagitoy iti sumagmamano a wagas a mabalin a pangta iti seguridad ti pagilian.
