Adda implikasyonna iti seguridad ti pagilian ti Chinese underwater drone a nasarakan idiay Masbate.
Kinuna ni National Security Council Spokesperson Assistant Director General Jonathan Malaya a maus-usar ti drone a panangipatulod ti impormasion.
Naammuan pay iti inisyal nga imbestigasyon nga unmanned-drone daytoy.
Maimbestigaran ken maam-ammoan met ti nagtaudan ti drone uray awan pay ti pagilian a mangak-aklon nga agtagikua iti daytoy, kasta met dagiti posible a dadduma pay a motibo da.
Maad-adalen ti drone agraman ti nakasrurat iti daytoy ken dadduma pay nga espesipiko a paset na.
Makikoordinaren dagiti maseknan kadagiti foreign counterparts tapno makaurnongda iti ad-adu pay nga impormasion.
Segun kenni Malaya, makapadanag daytoy isu a masapul nga ammuen no sadino ti naggapuanna ken no ania ti ar-aramidenna iti archipelagic waters ti Pilipinas.
