BR LA UNION – Inbutaktak ti Presidential Anti-Organized Crime Commission a ti connecting flights dagiti nadeport a Philippine Offshore Gaming Operators workers, iti makitkita a rason ti panaglibas ti sumagmamano kadakuada apaman a makasangpet da iti sabali a pagilian.
Daytoy ti kinumpirma mismo ni Spokesperson Winston Casio iti maysa a forum idi kalman, Pebrero 22.
Inlawlawag na a dagiti madep-deport a foreign nationals, partikular dagiti chinese, nga apaman a sumangpet da iti sabali a pagilian ket saan da nga agturong iti sumaruno a flight a mangitulod kaakuada iti naggapwan da a pagilian.
Gaputi dayta, impaganetget ni Casio a saan da nga ipalubos a mapasamak manen dayta, isunga i-blacklist ken deportation ti ipataw da kadagiti makemmeg pay a karaman iti iligal nga aramid.
Imbinglay pay ni Casio a kapada met laeng ti napasamak kadagiti Indonesiann a na-deport, kalpasan a naduktalan nga immakar da idiay Cambodia tapno sadiay nga ituloy ti illegal nga operasyon.
