Pinirmaanen ni Presidente Ferdinand Marcos Jr. ti singasing a Create MORE wenno Create to Maximize Opportunities for Reinvigorating the Economy Bill wenno RA 12066.
Inamyendaran ti linteg ti National Internal Revenue Code tapno mapasayaat iti tax incentive policy ken mapapigsa ti panagpuonan ditoy Pilipinas.
Babaen daitoy ket napawaywayan iti tax incentives iti kanayunan a 10 a tawen manipud iti sigud a 17 nga tawen ken itan ket nagbalinen nga 27 a tawen.
Kabayatanna, bimmaba met ti corporate income tax rate ti registered business enterprises (RBEs) iti 20% manipud iti 25%.
Madoble met iti deductions iti gastos ti kuryente a makakissay iti gastos manipud iti manufacturing sector.
Segun kenni Presidente Marcos, daitoy a linteg ket pammaneknek a silulukat ti Pilipinas kadagiti negosyo kasta met a para iti natibker ken inclusive a panagrang-ay ti ekonomiya.
Kabayatanna, agbalinen metten nga institutionalized ti adoption ti flexible work arrangements kas business mode kadagiti operasyon ti uneg ti economic zones ken freeports a saan a maap-apektaran dagiti tax incentives da.
