BR LA UNION – Nagkakaysa dagiti miyembro ti Caritas Philippines Social Action Network iti panawagan a saan nga itantan ti Senado iti impeachment proceedings kontra kenni Vice President Sara Duterte.
Ti panawagan ket nairuar idi kalman, Domingo, sakbay nga ag-convene ti Senado kas impeachment court ita nga aldaw ti Lunes, Mayo 18, nga idaulwan ni Senate President Alan Peter Cayetano.
Iti waragawag a pirmado ti 167 a papadi ken obispo, impaganetget ti grupo nga obligasyon ti Senado a suruten iti Konstitusyon ken ituloy a dagus ti panagusig.
Impaganetget da pay a ti anyaman a delay iti impeachment trial ket maipagarop a kaibatugan ti pannakaitantan ti hustisya— saan laeng a para iti publiko ngem ketdi para iti bise presidente.
Nagpanawagan pay ti Caritas Philippines kadagiti simbaan ken komunidad a mangisayangkat ti aggi-giddan a panang-batangtang ti kampana tunggal alas-dose ti aldaw ken alas-sais ti rabii, kasta metten candle-lighting ken panagkararag para iti patas ken naingkalintegan a panagusig.
