LA UNION – Impanamnama ti pulisya nga aramidenda iti amin a kabaelan tapno maresolba iti kaso a pammaltog iti balay ni Quirino, Bacnotan, La Union Punong Barangay Marvin Cardinez.
Iti pannakiuman ti Bombo Radyo kenni PMAJ. Silverio Ordinado Jr., tagapagsarita iti La Union Police Provincial Office, iti agdama ket maipasidong ti cross matching dagiti basyo iti bala a narekobre manipud ti nasao a balay tapno maikompara dagitoy kadagiti insidente ti pammaltog.
Iti agdama ket saan pay a natukoy dagiti suspek a nangaramid ti panangatake.
Immuna iti daytoy, parbangon iti Martes idi a pinaltugan ti suspek iti balay ti nasao a kapitan.
