LA UNION – Awan duma ti paskua ditoy Pilipinas nu ikumpara idiay Singapore.
Daytoy ti kinuna ni Ms. Erlinda Orfiano, Bombo International News Correspondent (BINC) idiay pagilian a Singapore bayat iti pannakiuman ti Bombo Radyo La Union kenkuana.
Istorya ni Orfiano, a nagduduma a puli ti adda idiay Singapore ngem dagiti laeng Pilipino iti nangnangruna a mangram-rambak ti paskua.
Ngem nu saan pay a maiparna nga aldaw ti Domingo ti nasao nga okasyon ket awan ti mapasamak a salu-salu dagiti Pilipino sadiay, ket rambakan danto laengen iti aldaw ti Domingo, nga isuti aldaw ti panagsasarak ken panagu-ummong dagiti Overseas Filipinos.
Kinuna na a nu naiparna a weekdays ti paskua, kas koma ita a tawen, kaadwan a tattao sadiay ket palabsen da ti December 25 kas ordinaryo nga aldaw.
Nupay kasta, adda met latta dagiti makita a simbolo ti holiday season idiay Singapore, kas koma iti dadackel a Christmas tree ken christmas decor kadagiti nalatak a pasdek ken landmark ti nasao a pagilian.
