Dumanonen iti 38 nga indibidwal iti natay gapo dagiti naglabas a panagdurak dagiti napalabas a bagyo ken habagat, maibasar iti datos ti National Disaster Risk Reduction Management Council (NDDRMC).
Segun iti NDDRMC, tallo manipud iti nasao a bilang ket kumpirmadon bayat nga iti nabatbati ket under verification.
Malaksid iti daytoy ngimmaton iti 33 dagiti nadangran nga indibidwal, 24 dagitoy ket validated bayat nga under verification pay dagiti nabatbati.
Walo nga indibidual pay iti naireport a mapukpukaw ken agdama pay laeng a birbiruken dagiti otoridad.
Kabayatanna, nasurok nga 8.5 million nga indibidual wenno katupag ti 2.3 million a pamilya iti kabuklan a bilang dagiti nakaro a naapektaran dagiti naglabas a kalamidad.
Manipud daytoy ket 24,771 a pamilya wenno 91,006 nga indibidwal iti agtaltalinaed kadagiti 839 nga evacuation centers iti intero a pagilian bayat a 32,320 a pamilya wenno 123,624 nga indibidwal iti addaan iti ruar dagiti evacuation centers a mapatpatuludan ti tulong
