Dumanon ti 26 nga indibidual dagiti nailista a pimmusay gapo iti panagduprak dagiti napalabas a bagyong Mirasol, Nando, ken Opong, segun ti nagbalin a report ti National Disaster Risk Reduction and Management Council (NDRRMC).
Uppat kadagiti natay ket manipud Cordillera Administrative Region (CAR) bayat a 22 dagiti maiprosproseso a mavalidate kadagiti dadduma a rehiyon, pakairamanan ti Cagayan Valley, Central Luzon, Bicol, Central Visayas, ken Eastern Visayas.
Naipadamag met a 33 dagiti nadundunor ken 14 kadagitoy ket agdama a maval-validate, bayat a 14 dagiti mapukpukaw.
Kabayatanna, nasurok 738,000 a pamilya wenno aganay 2.8 million nga indibidual iti apektado dagiti naglabas a bagyo. Nasurok a 46,000 a pamilya dagiti agtaltalinaed kadagiti 2,680 nga evacuation centers, ken nasurok 31,000 a pamilya met iti nakaawaten ti tulong nga adda iti ruar ti evacuation centers.
Immuna ti Bicol Region kangrunaan ti Masbate iti kadduan dagiti apektado a residente.
Dumanon metten ti P864 million iti nabati a perdisyon iti imprastratura dagiti naglabas a bagyo manipud kadagiti nadumaduma a rehiyon, bayat a nasurok P1 billion iti sektor ti agrikultura.###
