Dumanonen ti 60 nga indibidwal iti pimmusay idiay China gapo iti makadadael a layos a dimmuprak iti napalabas a lawas.
Karaman kadagiti natay dagiti 31 nga indibidwal manipud iti maysa nga elderly care home iti Miyun district ti Beijing gapo kadagiti panaglayos a maibilbilang kas ‘deadliest floods’ a timama iti kabisera ti China kadagiti napalabas a tawen.
Agarop 44 nga indibidwal iti pimmusay bayat a siyam dagiti mapukpukaw idi Huwebes, segun iti deputy mayor ti Beijing a ni Xia Linmao.
Maipalagip a nangrugi a mapadasan iti nakaro a panagtudo idi napalabas a lawas iti nasao a pagilian ken kadagiti kabangibang a probinsya kangrunaan ita nga aldaw ti Lunes.
Nakapasar met iti Miyun district iti panagtudo a dumanon ti agingana 573.5 millimeters (mm) rainfall a nailadawan kas ‘very destructive’ ken asidegen a mabadanon daytoy iti lebel ti average rainfall tunggal tawen idiay Beiging a 600 mm.
Iti kabangibang a probinsya ti Hebei, pimmusay dagiti 16 nga indibidwal kas resulta ti nakaro a panagtudo.
Walo met iti nairekord a natay iti siyudad ti Chengde ken 18 dagiti saan pay nabirukan.
Iti reservoir met ket napno iti kangitingitan dagiti panagtudo a dimuprak kadagiti kabangibang nga ili.
Nakairekord iti Hebie village partikular iti makin-amianan a paset ti reservoir ti landslide a nakatayan dagiti walo nga indibidwal ken uppat dagiti mapukpukaw.
Kabayatanna, makitkita met a rason dagiti meteorologists iti panagbalbaliw ti klima kadagitoy a didigra idiay China.###
