Ikonkonsideraren ti Department of Education (DepEd) ti pannakaipangato ti sueldo dagiti guidance counselor tapno maallukoy dagiti master’s degree holders iti baet ti kinakurang dagiti staffers kadagiti public schools.
Kinuna ni Education Secretary Sonny Angara a makisarita ti ahensiana iti Department of Budget and Management tapno ma-adjust ti entry-level pay dagiti guidance counselor manipud iti Salary Grade 11 wenno P28,512 agingga iti Salary Grade 13 wenno P32,870.
Adda met dagiti diskusion maipapan iti panangipalubos kadagiti bachelor’s degree holders iti psychology, ken guidance ken counseling a maala bayat ti panangileppasda iti master’s degree.
Segun iti Republic Act No. 9258 wenno ti “Guidance and Counseling Act of 2004”, ti maysa nga aplikante ket masapul nga addaan iti master’s degree iti guidance and counseling tapno makwalipika para iti licensure examination.
