Silulukat ti Department of Energy (DOE) ti panangipasdek kadagiti coal-fired power plants iti kangitingitan ti krisis ti sangalubongan a supply ti langis gapo iti gyera idiay Middle East.
Segun kenni Energy Secretary Sharon Garin, mapalubosan dagitoy nu mangaramat ken addaan ti nakalatag a transition plan agturong ti nadaldalus nga enerhiya.
Ti waragawag ket kasaruno ti singasing ni Department of Economy, Planning and Development Secretary Arsenio Balisacan nga ikkatenen ti innem a tawen a moratorium tapno mapapigsa ti seguridad ti enerhiya ti pagilian.
Iti biang met ni Garin, palpalubosanen ti DOE dagiti coal plants para iti bukod a pagkasapulan wenno iti panawen ti krisis, kas maibasar iti circular idi napalabas a tawen.
Agtaltalinaed kunana a kalakaan iti carbon para ti supply ti kuryente ken ad-adalen da pay iti singasing agsipud ta diesel ti kangrunaan a kasapulan ti sektor ti transportasyon nga apektado ti krisis.
Ikonkonsidera met ti ahensya ti sabali pay a gubuayan ti enerhiya aa kas ti renewable ken ti nuclear energy.
