Ngimmato ti bilang dagiti kaso ti non-communicable diseases wenno dagiti sakit a saan a makaakar ditoy Pilipinas ita a panawen ti Paskua.
Pinasingkedan daitoy ti Department of Health (DOH) ken nailista da iti panagngato ti kaso manipud Disyembre 21 agingga Disyembre 24. Kadaitoy a datos ket 18 dagiti kaso a nailista ti las-ud laeng ti uppat nga aldaw.
Karaman kadagiti sakit a nailista ket ti pannakaatake ti puso, stroke, ken ti asthma.
Ti monitoring ti ahensya kadagitoy a sakit ket paset paylaeng ti Ligtas Christmas Campaign, maysa a programa ti DOH a panggep a salakniban ti salun-at ti publiko ita a holiday.
Para iti detalyado a datos, agparparang a 14 kadagiti 25 a pasyente a naatake ti puso ket agtawen ti sisenta agpangato. Kapada metlaeng a 14 ngem kadagiti 45 a pasyente met ti na-stroke ti karaman iti age group.
Ipakpakita laeng dagiti datos ti panagbalin a bulnerable dagiti natataengan ti non-communicable diseases ita nga holiday season.
