Nagballaag ti Department of Health (DOH) iti publiko mainaig ti epekto ti heat illness nangruna kadagiti agturong kadagiti kabaybayan ita nga Semana Santa.
Impasidong metten ti DOH ti amin nga public hospitals ken health facilities ti intero a pagilian iti “Code White Alert” tapno masiguro ti kinasagana dagiti personnel a mangtaming ti aniaman a potensiyal nga health emergencies ita a Lenten season.
Segun kenni Health Secretary Ted Herbosa, napalaos ti init ita a paniempo isu ket rumbeng nga agannad dagiti kailian a Pilipino.
Pinaregta pay ni Herbosa iti publiko nga agusar ti sunscreen, agtalinaed nga hydrated, ken liklikan ti napaot a pannakaisarang iti init nangruna kadagiti agturong ti kosta ken pampubliko a lugar.
Kinuna pay ti sekretaryo nga apaman makapadas ti maysa nga indibidwal ti nangato a temperatura, nasken nga agpalammiis a dagos daitoy.
Ti sintomas nu nabaran iti pammagbagi ket iti nakaro a pannaka-ispal ken nalammiis a ling-et. Nasken a masolusyonan a dinagos tapno saan a matalimudaw.
Impaganetget ni Herbosa a ti masansan a makapadpadas ti nakaro nga init ket dagiti nataengan ken ubbing.
Nagballaag manen ti opisyal kadagiti nagannak a bantayan dagiti annak da iti panaglangoy tapno maliklikan met iti aniaman nga insidente ti pannakalmes.
