BR LA UNION – Imbutaktak ti Department of Justice a saan a basta ordinaryo nga indibidwal iti ‘mastermind’ iti panagpukaw dagiti biktima a sabungero.
Segun kenni Justice Secretary Jesus Crispin Remulla a maipagarop a nadagsen daytoy a kalaban iti nasao a kaso, gapu iti nalawa nga impluwensiya na.
Kinuna na nga uray ti hudikatura wenno kangatuan a pagukuman a Korte Suprema ket kabaelanna a pakibiangan, agsipudta maipagarop a saan nga angaw ti kuwarta nga iggem na.
Iti nasao a kuwarta ti ‘mastermind’ ket manipud iti kalakaran ti e-sabong isunga saan a basta iti kabaelanna.
Gaputi daytoy, kasarita ken maki-koordinar ni Justice Secretary Remulla iti Korte Suprema, partikular kenni Chief Justice Alexander Gesmundo seknan iti nasao nga isyu.
Maipalagip nga imbaga ni Justice Secretary Remulla, kas maibasar iti salaysay ti testigo nga alyas ‘Totoy’ a pinatay ken maipagarop a naibelleng idiay ‘Taal Lake’ dagiti biktima.
Umabot pay kunana iti nasurok a 100 dagiti mammallot a nagpukaw ken nadukot, uppat a tawenen ti napalabas, nga agingga ita ket saan pay a naresolba iti kaso ken awan pay panniguro nu anya iti nagbanagan dagiti sabungero.
