Naited iti Panguil Bay Bridge Project babaen ti Department of Public Works and Highways (DPWH) iti Grand Prize ti 2024 Excellent Structure Awards iti Korean Institute of Bridge and Structural Engineering (KIBSE).
Ti nakaawat ti pammadayaw ket ni DPWH Senior Undersecretary Emil K. Sadain iti 50th anniversary convention ti Korean Society of Civil Engineers (KSCE) idiay Jeju Island, South Korea.
Maibilang ti Panguil Bay Bridge Project a kas “longest sea-crossing bridge” idiay Mindanao nga addaan iti 3.7-kilometer nga kaatiddog a mangisilsilpo iti Tangub City, Misamis Occidental ken Tubod, Lanao del Norte.
Binigbig ti institusyon ti nadakamat a rangtay ti kaadda na iti baro a disenyo, natibker nga istruktura, ambag iti pannakapasayaat iti regional transportation ken panangitandudo iti ekonomiya.
Inwaragawag met ni Sadain ti pammadayaw na kadagiti inhinyero ti Unified Project Management Office agsipud ta isuda iti adda iti likudan ti daitoy napintas nga imprastraktura.
