LA UNION – Naideklara a dead on arrival iti ospital ti maysa a motorcycle rider bayat a nadunudnor ti backride daytoy kalpasan a naidungparda iti van idiay ili ti San Juan.
Nabigbig ti pimmusay a ni Jonard Gagarin, residente ti Sagayad Relocation, San Fernando city, bayat a nadundunor ni John Lester De Guzman,25-anyos.
Maibasar iti inisial nga imbestigasion ti San Juan Police Station, naamuan a daldalyasaten ti motorsiklo ti deppaar ti kalsada iti Barangay Urbiztondo idi kellaat a nagsikko daytoy iti bangir a direksion.
Nagbanag ti insidente iti head on collision iti nakasinnabatda a van a minaneho ni Cipriano Bucsit, 61-anyos.
Gapu iti kinapigsa ti impact ti aksidente ket nagsagrap iti nakaro a sugat iti bagida da Gagarin ken De Guzman a nagbanag ti pannakatay ti immun-una.
