Nagpanawagan ni House Deputy Speaker Paolo Ortega V ti patas a pannakaipatungpal ti linteg iti amin, uray dagiti opisial ti gobierno ken pribado nga umili.
Inyarig ni Ortega ti kaso ti maysa a mannursuro a naaresto kalpasan a nangipost ti pangta kontra kenni sigud a Presidente Rodrigo Duterte idi 2020 iti nagbalin a waragawag ni Bise Presidente Sara Duterte kontra kada Presidente Ferdinand Marcos Jr., First Lady Liza Araneta-Marcos, ken sigud nga Speaker Martin Romualdez.
Segun iti mammanday-linteg, rumbeng laeng a maipasidong ti isyu iti umno a proseso babaen ti impeachment trial tapno maikeddeng no addaan pagsungbatan iti Bise Presidente.###
